Deputetja boshnjake, Emilia Rexhepi, ka deklaruar sot para fillimit të seancës së 52-të konstituive të Kuvendit të Kosovës se pret që konstituimi i institucioneve të ndodhë brenda 48 orëve të ardhshme, duke lënë të hapur mundësinë që Kuvendi të konstituohet sot ose nesër.
“Po presim sot dhe nesër të konstituojmë Parlamentin, pastaj shohim”, u shpreh shkurt Rexhepi për gazetarët.
Në lidhje me kandidaturën për kryetarin e Kuvendit, Rexhepi konfirmoi se aktualisht e vetmja propozim zyrtar mbetet Albulena Haxhiu nga Lëvizja Vetëvendosje.
“Zyrtarisht është Albulena Haxhiu, nuk dimë nëse ka ndryshim,” theksoi ajo.
Deklarata e saj vjen në një moment të rëndësishëm politik, kur Kuvendi po përballet me afatin 30-ditor të vendosur nga Gjykata Kushtetuese, i cili përfundon të premten, më 26 korrik. Pas këtij afati, çdo veprim për konstituimin e Kuvendit do të konsiderohet i pavlefshëm përkohësisht, për shkak të masës ex officio të vendosur nga Kushtetuesja.
