Presidenti i Shteteve të Bashkuara, Donald Trump, deklaroi të premten se grupi palestinez Hamas nuk është i gatshëm të arrijë një marrëveshje për armëpushim dhe lirimin e pengjeve në Rripin e Gazës.
Deklarata e Trump u bë përpara gazetarëve në Shtëpinë e Bardhë, një ditë pasi emisari i tij për paqen në Lindjen e Mesme, Steve Witkoff, konfirmoi se ekipi amerikan i negociatave është tërhequr për konsultime në SHBA pas propozimit më të fundit të Hamasit.
“Është e qartë që Hamas nuk dëshiron marrëveshje,” tha Trump. “Ne do të shqyrtojmë opsione të tjera.”
Kryeministri izraelit, Benjamin Netanyahu, gjithashtu akuzoi Hamasin për pengesat në arritjen e një marrëveshjeje. “Hamas është pengesa kryesore për një marrëveshje për lirimin e pengjeve,” u shpreh Netanyahu në një deklaratë të premten. “Së bashku me aleatët tanë amerikanë, po shqyrtojmë alternativa të tjera për t’i sjellë pengjet në shtëpi.”
