Këngëtarja e famshme Christina Aguilera po tërheq gjithë vëmendjen në Londër këtë javë, ku ndodhet për të mbështetur premierën e shfaqjes “Burlesque: The Musical”, e cila u hap zyrtarisht në teatrin Savoy në West End.
Por përveç skenës, Xtina ka shkëlqyer edhe në Instagram, ku ka ndarë një seri fotosh provokuese, të veshur me të brendshme të zeza transparente, ku duket më në formë se kurrë! Me një sutjena të tejdukshme, tanga të zeza, çorape rrjete dhe taka elegante, këngëtarja e hitit “Genie in a Bottle” i ka dhënë ndjekësve të saj një paraqitje që nuk kalon pa u vënë re.
Pamja ishte përforcuar me buzë të errëta dhe flokë biond platin, stil ikonik për Aguilerën, duke krijuar një kontrast mbresëlënës me veshjen sensuale të zezë.
Christina ka shfrytëzuar çdo cep të dhomës së saj të hotelit për këtë sesion fotografik sensual: shtrihet mbi një tavolinë servirjeje, pozon para pasqyrës me gjatësi të plotë dhe madje ngjitet edhe mbi tavolinën e kafesë për të kapur këndin perfekt.
Në përshkrimin e fotove, ajo krahasoi veten me një pije alkoolike të klasit të lartë – një detaj që tregon vetëbesimin dhe karizmën e saj të zakonshme.
Rikujtojmë se Christina Aguilera ishte pjesë e filmit “Burlesque” në vitin 2010 përkrah ikonës Cher, ndaj prezenca e saj në premierën e versionit teatror ishte mëse e natyrshme – dhe padyshim, shumë e komentuar!
Dhe përsa i përket fotosesionit të papritur? Askush nuk ka kundërshtime – përkundrazi, ndjekësit janë të entuziazmuar që Christina po jeton plotësisht momentin e saj “I Am Beautiful” në stilin më “naughty” të mundshëm!/TMZ
