Këngëtarja e njohur Jessica Simpson nuk lejoi që një incident i vogël me veshjen t’i prishte rikthimin në skenën e “Today Show” pas gati 20 vitesh mungesë.
Gjatë performancës së saj në kuadër të Citi Concert Series të martën, ku interpretoi një miks të hiteve të saj “I Think I’m in Love With You” dhe “With You”, korsetja e saj rrëshqiti dhe zbuloi reçipetat rozë. Por Simpson, pa u shqetësuar, vazhdoi performancën me profesionalizëm dhe buzëqeshje.
Pas koncertit, në një intervistë me prezantuesit e “Today”, ajo e mori gjithçka me humor:
“Sigurisht që më ndodh një incident i tillë, si gjithmonë,” tha ajo me të qeshur. “Por është në rregull. Mendoj se gjoksi qëndroi brenda, kështu që jemi mirë.”
Kjo ishte hera e parë që Jessica Simpson ngjitej në skenën e “Today” që nga viti 2006. Përveç hiteve të vjetra, ajo interpretoi edhe “Blame Me”, një këngë nga albumi i saj i ri Nashville Canyon Pt. 1, i publikuar në mars. Projekti i fundit muzikor i Simpson përpara këtij ishte një album festiv në vitin 2010.
“Ndjeva një thirrje të brendshme për të përdorur zërin tim sërish, në një mënyrë krejtësisht të re,” tha ajo. “Kam punuar për koleksionin tim për një kohë të gjatë, dhe vazhdoj ende. Por nuk e di… Ka diçka brenda meje që gjithmonë ka nevojë të këndojë. Dhe tani jam gati ta bëj këtë përpara njerëzve.”
Simpson e përshkroi rikthimin në muzikë si një përvojë shëruese pas ndarjes nga bashkëshorti Eric Johnson në janar, pas 10 vitesh martesë. “Jeta ime u përmbys krejtësisht dhe më duhej të përqendrohesha te qëllimi im,” tha ajo.
Gjatë intervistës në Today, ajo prezantoi edhe këngën e re “Fade” nga pjesa e dytë e albumit Nashville Canyon Pt. 2, që pritet të publikohet më 5 shtator.
