Në orët e para të mëngjesit të së martës ka ndërruar jetë Edita Qosja-Rexhepi, vajza e akademikut të njohur Rexhep Qosja. Lajmin e trishtë e ka bërë të ditur djali i saj, Valjet Rexhepi, përmes një njoftimi publik.
Sipas njoftimit, varrimi i të ndjerës do të bëhet sot, më 29 korrik 2025, në orën 13:00, në varrezat e qytetit të Prishtinës.
E pamja do të mbahet në hotelin “Grand” në Prishtinë për dy ditë, të mërkurën dhe të enjten, nga ora 10:00 deri në 18:00.
“Me pikëllim ju njoftojmë se sot, më 29 korrik 2025, ka ndërruar jetë Edita Qosja-Rexhepi. Varrimi i saj do të bëhet po sot, në orën 13:00, në varrezat e qytetit të Prishtinës. E pamja do të mbahet në hotelin ‘Grand’ në Prishtinë për dy ditë: të mërkurën dhe të enjten, nga ora 10:00 deri në 18:00,” ka shkruar Valjet Rexhepi.
