161 
Një përleshje fizike mes pesë personave, tre prej tyre me nënshtetësi gjermane, ka përfunduar me plagosjen e njërit nga të përfshirët, të hënën pasdite në Gjakovë.
Gjatë incidentit është përdorur armë zjarri, e cila u sekuestrua nga policia së bashku me një karikator me katër fishekë dhe një gëzhojë. Personi i plagosur është dërguar për trajtim mjekësor në Spitalin e Gjakovës.
Policia ka arrestuar të pestë të dyshuarit, por pas intervistimit, me vendim të prokurorit, vetëm njëri prej tyre është dërguar në mbajtje, ndërsa katër të tjerët janë liruar.
Rasti është cilësuar “vrasje në tentativë” dhe “pjesëmarrje në rrahje”, dhe hetimet po vazhdojnë.
