Një ngjarje e rëndë është regjistruar dje në fshatin Bellanicë të Malishevës, ku një burrë është gjetur i pajetë në një zonë pyjore.
Sipas burimeve mediatike, viktima është identifikuar si Milaim Zogaj, 63 vjeç, i cili u gjet nga familjarët rreth orës 17:20 në vendin e quajtur “Tishan”, mes fshatrave Bellanicë dhe Ngucat.
Në vendngjarje kanë dalë njësitë e Stacionit Policor Malishevë, hetuesit rajonalë të DRP-Gjakovë si dhe një ekip mjekësor nga QKMF-Malishevë, i cili ka konstatuar vdekjen. Hetimet e para dyshojnë se bëhet fjalë për vetëvrasje me armë zjarri.
Me urdhër të prokurorit kujdestar për krime të rënda, trupi i pajetë është dërguar në Institutin e Mjekësisë Ligjore në Prishtinë për obduksion.
Rasti është klasifikuar si “Hetim i Vdekjes” dhe po hetohet nga autoritetet kompetente.
