79 
Kreu i Asociacionit të Gazetarëve të Kosovës (AGK), Xhemajl Rexha, ka shprehur solidaritet të plotë me mediat në Shqipëri, pas aksionit policor që ndërpreu në mënyrë të dhunshme punën e disa prej tyre.
Rexha e ka cilësuar këtë veprim si një goditje të papranueshme ndaj lirisë së medias dhe të drejtës së shqiptarëve për të marrë informacione të drejta dhe të plota.
“Solidaritet i plotë i AGK-së me kolegët e News24, BalkanWeb, Panorama dhe Gazeta Shqiptare pas ndërprerjes së dhunshme të punës nga një aksion i Policisë Shqiptare. Kjo është një goditje e dënueshme ndaj lirisë së medias dhe të drejtës së shqiptarëve në informim,” ka shkruar Rexha.
