Një gazetar i shquar i Al Jazeera-s, i cili më parë ishte kërcënuar nga Izraeli, u vra së bashku me katër kolegë të tij në një sulm ajror izraelit të dielën, një sulm i dënuar nga gazetarët dhe grupet e të drejtave të njeriut.
Ushtria izraelite tha se shënjestroi dhe vrau Anas Al Sharif, duke pretenduar se ai kishte drejtuar një qelizë militante të Hamasit dhe ishte i përfshirë në sulme me raketa ndaj Izraelit.
Al Jazeera, e cila financohet nga qeveria e Katarit, e hodhi poshtë pohimin, dhe para vdekjes së tij, Al Sharif kishte hedhur poshtë gjithashtu pretendime të tilla nga Izraeli.
Al Sharif, 28 vjeç, ishte midis një grupi prej katër gazetarësh të Al Jazeera-s dhe një asistenti që vdiqën në një sulm ndaj një tendë pranë Spitalit Al Shifa në qytetin lindor të Gazës, thanë zyrtarët e Gazës dhe Al Jazeera. Një zyrtar në spital tha se dy persona të tjerë u vranë në sulm.
Një gazetar i gjashtë, Mohammad Al-Khaldi, një reporter i pavarur vendas, u vra gjithashtu në sulmin ajror, thanë mjekët në Spitalin Al Shifa të hënën.
Duke e quajtur Al Sharif “një nga gazetarët më të guximshëm të Gazës”, Al Jazeera tha se sulmi ishte një “përpjekje e dëshpëruar për të heshtur zërat në pritje të pushtimit të Gazës”.
Gazetarët e tjerë të vrarë ishin Mohammed Qreiqeh, Ibrahim Zaher dhe Mohammed Noufal, tha Al Jazeera.
