Policia e Kosovës njofton opinionin publik se gjatë 24 orëve të fundit ka vazhduar me zbatimin e planeve operacionale për sigurinë rrugore dhe rendin publik në tërë territorin e vendit.
Gjatë kësaj periudhe, janë shqiptuar gjithsej 1,827 gjoba ndaj kundërvajtësve të rregullave të trafikut.
Në raportin e aksidenteve, janë evidentuar:
64 aksidente trafiku me dëme materiale,
47 aksidente trafiku me persona të lënduar.
Po ashtu, policia ka realizuar edhe veprime tjera operacionale, ku janë arrestuar 22 persona, prej të cilëve:
14 persona janë dërguar në mbajtje,
1 person është dërguar për vuajtje të dënimit.
Policia e Kosovës apelon tek të gjithë pjesëmarrësit në trafik që të respektojnë rregullat e qarkullimit rrugor, të shmangin shpejtësinë mbi normat e lejuara dhe të kontribuojnë në parandalimin e aksidenteve.
