Ndërsa Zelenskyy dhe von der Leyen mbajtën një konferencë për shtyp në Bruksel përpara takimit të tyre me Donald Trump nesër, presidenti amerikan postoi një përditësim shumë të shkurtër në Truth Social.
Ai shkroi: “PROGRES I MADH ME RUSINË. RRINI GATI. President DJT.”
Pak minuta më parë, ai kishte kritikuar të ashtuquajturat “lajme të rreme” për shtrembërim të së vërtetës, duke thënë se kishte pasur një “takim të shkëlqyer” në Alaska.
Ndryshe, shumë udhëheqës evropianë do t’i bashkohen presidentit të Ukrainës, Volodymyr Zelensky, në vizitën e tij në Shtëpinë e Bardhë të hënën për t’u takuar me homologun e tij amerikan, Donald Trump.
“Strategjia e Rusisë mbetet anti-evropiane dhe kontinenti duhet të qëndrojë i bashkuar në çdo negociatë të mëtejshme për të ndaluar luftën e plotë të Rusisë në Ukrainë”, tha Zelensky pas takimit të tij me presidenten e Komisionit Evropian, Ursula von der Leyen, në Bruksel
Takimi midis të dyve vjen ndërsa një sërë udhëheqësish evropianë njoftuan se do t’i bashkohen takimit të tij me presidentin e SHBA-së, Donald Trump, në Uashington.
