esfushori Nedim Bajrami nuk do të jetë pjesë e skuadrës së Rangersit për ndeshjen e parë të “play-off” të Ligës së Kampionëve kundër Brugget.
Bajrami nuk është përfshirë në listën e lojtarëve të ftuar për këtë ndeshje të rëndësishme që Rangersi e luan në shtëpi sot prej orës 21:00.
Në fakt, trajneri i Rangersit, Russell Martin e ka larguar Bajramin nga lista duke e zëvendësuar me ardhjen e re, mbrojtësin e krahut të majtë, Jayden Meghoma.
Ky vendim i trajnerit Martin ka ardhur pak ditë pasi Bajrami shkëlqeu në Kupën e Skocisë dhe shënoi gol fantastic në fitoren 4:2 ndaj Alloa Athletic.
Lënia e Bajramit jashtë ekipit ka hapur shumë spekulima për të ardhmen e tij te skuadra skoceze, të cilës iu bashkua vitin e shkuar nga Sassuolo dhe ka kontratë deri në vitin 2028.
Këtë sezon, Bajrami ka regjistruar 5 paraqitje për Rangersin në të gjitha garat dhe ka shënuar një gol.
