78 
Shoqata e Kosovës për Kërkim-Shpëtim tha se janë angazhuar në kërkimin e 67-vjeçarit Beqir Malokaj nga Istogu, i raportuar i zhdukur ditë më parë.
SHKKSH njoftoi se janë përfshirë në këtë angazhim me kërkesë të Policisë.
“Shoqata e Kosovës për Kërkim-Shpëtim, me kërkesë të Policisë së Kosovës – Sektori i Hetimeve, Stacioni Policor Istog, është angazhuar në Operacionin e Kërkim-Shpëtimit për gjetjen e shtetasit Beqir Malokaj (67 vjeç) nga Istogu, i raportuar i zhdukur”, thuhet në njoftim.
Shoqata thotë se “po bashkëpunon ngushtë me Policinë e Kosovës për zhvillimin e operacionit dhe gjetjen sa më shpejt të personit të zhdukur”.
