Në një deklaratë të papërmbajtur para seancës konstituive të Kuvendit të Kosovës, deputetja e PDK-së Blerta Deliu-Kodra ka lëshuar një mesazh të qartë dhe pa ekuivok: partia e saj do të votojë kundër kandidaturës së Albulena Haxhiut për kryetare të Kuvendit.
“Kosova ka probleme shumëfish më të mëdha se emërimi i Albulena Haxhiut. Ne nuk do të bëhemi shkelës të Kushtetutës,” tha Deliu-Kodra, duke e cilësuar kandidaturën si të papranueshme në dritën e aktgjykimeve të fundit.
Ajo shtoi se përfaqësuesit publikë duhet të mësohen të mos vënë në dyshim vendimet e gjykatave, duke paralajmëruar se PDK-ja nuk do të tolerojë asnjë tentativë për të relativizuar rendin kushtetues.
“Do ta respektojmë aktgjykimin. Votojmë kundër Albulena Haxhiut,” përfundoi ajo, duke e kthyer votimin e sotëm në një moment përballjeje politike.
