168 
Dy qytetarë në Gjakovë janë përballur me raste të mashtrimit telefonik, ku persona të panjohur u janë prezantuar si zyrtarë policorë.
Sipas njoftimit të policisë në Facebook, në të dyja rastet, të dyshuarit kanë kërkuar nga viktimat pagesën e shumës prej 1 mijë eurosh, duke përdorur pretekste të ndryshme.
Rastet janë iniciuar si “Prezantim i rrejshëm si person zyrtarë”, në konsultim me prokurorin e shtetit, dhe janë duke u hetuar nga njësitë përkatëse policore.
Drejtoria Rajonale e Policisë në Gjakovë apelon tek qytetarët që të jenë vigjilentë dhe të mos bien pre e këtyre mashtrimeve.
Ata që ndeshin raste të ngjashme, mund të lajmërojnë menjëherë policinë në numrin 192 ose të përdorin aplikacionin “Lajmëro Policinë”.
