124 
Policia e Kosovës e ka arrestuar një person të kërkuar mbrëmjen e së martës në fshatin Bob të Kaçanikut.
Sipas njoftimit të policisë, i arrestuari është K. Ç., 24 vjeç, i cili ishte shpallur në kërkim për shkak të një dënimi me burgim efektiv prej tetë muajsh.
Ai ishte dënuar për veprën penale “Mbajtje në pronësi, kontroll ose posedim i paautorizuar i armës”. Arrestimi u krye në orën 22:15, më 19 gusht, me urdhëresë të Gjykatës Themelore në Ferizaj.
Pas përfundimit të procedurave policore, i dënuari është dërguar në institucionin korrektues për të vuajtur dënimin.
