179 
Pas deklarimit të deputetit Faton Peci, i cili tha se Donika Gërvalla është më LDK se vetë anëtarët e saj, ka ardhur një reagim i ashpër nga anëtari i Kryesisë së Lidhjes Demokratike të Kosovës, Muhamet Hamiti.
Në një postim në Facebook, Hamiti ka akuzuar ashpër të ashtuquajturit “Rugovistë” brenda Vetëvendosjes, duke i cilësuar ata si tradhtarë të partisë së Ibrahim Rugovës.
“Rugovistët e VV-së janë dezertorët e LDK-së, partisë së Ibrahim Rugovës, të cilin VV-ja e Albin Kurtit e quante kolaboracionist”, ka shkruar Hamiti.
Ky reagim i Hamitit vjen pas propozimit të Donika Gërvallës nga Vetëvendosje për kryetare të Kuvendit, vendim që ka nxitur reagime të shumta brenda skenës politike.
