Chelsea mbetet në bisedime me Manchester United për Alejandro Garnachon.
Ekziston një pritje që një marrëveshje për argjentinasin të përfundojë përpara se të mbyllet afati kalimtar më 1 shtator.
Man United vazhdon të këmbëngulë për 50 milionë £. Chelsea ka pasur disa oferta të refuzuara dhe ende nuk i janë afruar këtij numri.
Megjithatë, të gjitha palët presin të gjejnë një kompromis para se të mbarojë java. Garnacho tashmë ka rënë dakord me “Blutë”.
Një marrëveshje për Xavi Simons të Leipzigut mbetet e mundur, por ende nuk ka një marrëveshje klub me klub, prandaj mesfushori holandez vazhdon të jetë i disponueshëm për përzgjedhje.
Prioriteti i Chelseat është të sigurojë largimet e Christopher Nkunku dhe Nicolas Jackson.
RB Leipzig është një klub në bisedime me Nkunkun, dhe një rikthim në ish-klubin e tij mund ta zhbllokojë transferimin e Simons.
Garnacho duket se do të largohet nga Man United dhe do t’i bashkohet Chelseat pasi iu tha se nuk është pjesë e planeve të trajnerit Ruben Amorim.
21-vjeçari u informua nga Amorim se mund të largohet si pjesë e një “skuadre bombë” me Marcus Rashford, Jadon Sancho dhe të tjerë.
Ai nuk u paraqit gjatë parasezonit dhe nuk ka luajtur asnjë rol në ndeshjet hapëse të United në Premier League.
