Pas një vere të vështirë, Milani duket se nuk ka ndërmend të ndalet në kërkimin e një sulmuesi të ri. Kandidati më i fundit për kuqezinjtë është Christopher Nkunku, aktualisht te Chelsea, raporton Fabrizio Romano.
Këtë verë, Milani u përball me disa dështime në transferime. Shembulli më i spikatur ishte ai i Victor Boniface nga Bayer Leverkusen, i cili u anulua pas testeve mjekësore, ndërsa marrëveshja me Conrad Harder të Sporting CP u përplas në momentin e fundit.
Tani, Nkunku duket një alternativë e fortë. 27-vjeçari francez nuk bën pjesë në planet e trajnerit Enzo Maresca te Chelsea dhe është i gatshëm për një largim
Ai ishte transferuar te Chelsea nga RB Leipzig për 60 milionë euro vetëm dy vite më parë, por tashmë kërkon një sfidë të re.
Milani po konsideron një formë huazimi me mundësi blerjeje në fund të sezonit, një opsion i mundshëm duke pasur parasysh se Nkunku ka kontratë me Chelsea deri në qershor 2029.
Francezi ishte gjithashtu i lidhur me Interin dhe Aston Villa, por një transferim te Milani do të ishte një zgjedhje interesante për të rifilluar karrierën e tij në Serie A.
