Ilana Gritzewsky, pengu i liruar, ka shpërthyer në një fjalim emocionues para Këshillit të Sigurimit të OKB-së, duke treguar torturat që ka kaluar gjatë 55 ditëve të saj në robëri.
Ajo përshkruan eksperiencën e saj të tmerrshme, ku, gjatë periudhës që ishte mbajtur peng në Gaza, është detyruar të ecë nëpër rrugët e qytetit, duke mbajtur dorën e një “terroristi”, siç e përshkruan ajo. “Isha si nusja e tij”, shprehet Gritzewsky.
Në një tjetër moment, ajo rrëfen se kur mbërritën në një tjetër apartament, fqinjët dolën për ta parë, duke e trajtuar si “çmimin” e tyre. Gritzewsky, që kishte kaluar 14 ditë atje, thotë se ka vuajtur nga uria dhe etja, ndërsa humbi 12 kg gjatë periudhës së robërisë. Ajo shton se, pavarësisht problemeve shëndetësore, asnjë mjek nuk i ka ardhur në ndihmë.
Ajo flet edhe për karakteristikat e rrëmbyesve të saj, që sipas saj ishin veshur si civilë dhe përfaqësonin profesione të ndryshme, duke përfshirë mësues matematikë dhe avokat. “Për 50 ditë, më thanë se nuk mund të arratisesha dhe se mund të mbeteshim pengje për 5, madje edhe 10 vjet,” ka deklaruar Gritzewsky.
Fjalimi i saj, ka tërhequr vëmendjen ndërkombëtare për vuajtjet që përjetojnë të mbijetuarit e pengmarrjeve dhe rëndësinë e ngritjes së zërit për të drejtat e njeriut në kontekste të tilla të dhimbshme.
