Presidenti amerikan, Donald Trump, ka sulmuar ashpër George Sorosin dhe djalin e tij, Alexander Soros, duke kërkuar ndjekje penale ndaj tyre.
Në një postim në platformën “Truth Social”, Trump u bëri thirrje autoriteteve të drejtësisë në SHBA që të akuzojnë dyshën mbi bazën e Aktit RICO – ligj i përdorur për ndjekjen e organizatave kriminale.
Sipas tij, Sorosët kanë mbështetur protesta të dhunshme dhe aktivitete që përbëjnë rrezik për vendin.
“George Soros dhe djali i tij ekstremist i majtë duhet të ndiqen penalisht sipas Aktit RICO, për përfshirjen në protesta të dhunshme dhe shumë më tepër anembanë vendit”, shkroi Trump, duke i cilësuar ata si “psikopatë” dhe duke paralajmëruar mbështetësit e tyre në Bregun Perëndimor: “Kujdes, ju kemi në sy!”.
Ai shtoi se “nuk do të lejojmë që këta të çmendur të shkatërrojnë Amerikën, pa i dhënë asaj mundësinë të ‘marrë frymë’ dhe të jetë e lirë”.
George Soros, 95 vjeç, i mbijetuar i Holokaustit, pasurinë e krijuar në vitet ’70 dhe ’80 e ka investuar në Fondacionet e Shoqërisë së Hapur, që mbështesin projekte demokratike e filantropike në mbarë botën. Që prej vitit 2023, drejtimin e tyre e ka marrë djali i tij, Alexander Soros.
