36 
Organizata e Veteranëve të Luftës së Ushtrisë Çlirimtare të Kosovës (OVL e UÇK-së) ka thirrur një konferencë për media.
E njëjta do të mbahet sot, me fillim nga ora 14:00, në selinë e organizatës në Prishtinë.
Njoftimi për konferencën vjen vetëm një ditë pas publikimit të një punimi nga Dimal Basha, në të cilin thuhet se Ushtria Çlirimtare e Kosovës është financuar nga rrjete të trafikut të drogës.
Ky pretendim ka shkaktuar reagime të ashpra në opinionin publik dhe në radhët e ish-pjesëtarëve të UÇK-së, të cilët e kanë cilësuar si fyes dhe të pavërtetë këtë përshkrim.
