Lulzim Peci ka reaguar ndaj zhvillimeve të fundit në Kuvendin e Kosovës, duke kritikuar ashpër qasjen e Lëvizjes Vetëvendosje në procesin e konstituimit të tij.
Sipas Pecit, veprimet e VV-së po e deformojnë rendin kushtetues dhe po e shtyjnë vendin drejt një realitet të ri politik, të cilin ai e quan “Republika e Tretë”.
Peci paralajmëron se interpretimet arbitrare dhe bllokadat e qëllimshme në Kuvend nuk janë thjesht manovra politike, por shenja të një transformimi të rrezikshëm institucional.
“Republika Trete është duke marrë formë, përmes interpretimeve dhe veprimeve arbitrare të VV-së. Në një moment do ta godet murin me kokë, me të cilin Kosova do të shndërrohet në mural – si për nga rregullimi shtetëror (nëse do të ekziston), ashtu edhe për nga territori,” shkruan ai.
