Më shumë se 10 mijë ton ndihma humanitare nga Emiratet e Bashkuara Arabe kanë hyrë në Rripin e Gazës që nga rihapja e kalimit kufitar Rafah për qëllime humanitare, ka raportuar agjencia shtetërore WAM.
Vetëm gjatë kësaj jave, pesë autokolona me gjithsej 100 kamionë kanë transportuar mbi 2,376 ton ndihma, duke përfshirë ushqime, barna dhe materiale për strehim. Këto dërgesa janë pjesë e iniciativës humanitare “Operation Chivalrous Knight 3” të nisur nga Emiratet.
Operacioni mbikëqyret nga ekipi i ndihmës së EBA-së i vendosur në qytetin egjiptian Al Arish, i cili kujdeset për ngarkimin e saktë të furnizimeve, kalimin e sigurt nëpër pikën kufitare Rafah dhe shpërndarjen e tyre tek popullata palestineze.
Sipas autoriteteve, Emiratet kanë shtuar intensitetin e operacioneve të ndihmës që nga rihapja e kalimit, me synim lehtësimin e krizës humanitare në Gaza./The National news
