Komisioni Qendror i Zgjedhjeve ka mbajtur sot mbledhjen e radhës, ku ka miratuar një sërë rekomandimesh lidhur me organizimin e zgjedhjeve lokale që do të mbahen më 12 tetor.
Në këtë mbledhje, KQZ ka certifikuar Listën e Votuesve, e cila përfshin 2 milionë e 69 mijë e 99 shtetas të Kosovës me të drejtë vote.
Po ashtu, u miratua rekomandimi për përcaktimin e formulës së këshillave të vendvotimeve dhe të ekipeve të numërimit në Qendrat Komunale të Numërimit.
KQZ vendosi gjithashtu për numrin maksimal të votuesve në vendvotime: në zonat urbane deri në 950 votues, ndërsa në ato rurale deri në 999. U caktua edhe numri i vendvotimeve në qendrat e votimit me kusht.
Me këto vendime, KQZ tha se po krijohen kushtet për një proces zgjedhor të rregullt dhe të organizuar.
