Presidenti francez Emmanuel Macron do të jetë mysafir nderi në festimet për 35-vjetorin e ribashkimit të Gjermanisë, që do të mbahen më 3 tetor në landin Saarland.
Macron pritet të mbajë një fjalim në Sallën e Kongreseve në Saarbrücken, ku do të jenë të pranishëm rreth 900 të ftuar nga politika, biznesi, feja dhe shoqëria civile. Ai do të jetë udhëheqësi i parë i huaj që flet në këtë ceremoni pas më shumë se dy dekadash.
“Kjo padyshim do të jetë një nga Ditët e Bashkimit Gjerman më europiane që kemi pasur ndonjëherë,” tha Anke Rehlinger, kryeministrja e Saarlandit dhe presidente e Bundesratit, dhoma e lartë e parlamentit gjerman.
Padyshim, në ceremoni pritet të marrë pjesë edhe kancelari gjerman Friedrich Merz.
Ribashkimi i Gjermanisë më 1990 erdhi pas rënies së Murit të Berlinit në nëntor të vitit 1989, duke i dhënë fund ndarjes së vendit për më shumë se katër dekada gjatë Luftës së Ftohtë.
