52 
Nedim Bajrami u shpreh i lumtur për fitoren e arritur në duelin ndaj Letonisë.
Në prononcimin e dhënë pas ndeshjes për mikrofonin e DigitAlb, futbollisti shqiptar deklaroi:
“Nuk kam luajtur shumë në kohët e fundit, për Kombëtaren jam gjithmonë gati. Ky është shansi im, e rëndësishme është që morëm 3 pikët.
Ndeshjen e fundit e bëmë analizën e mirë. E filluam ndeshjen me agresivitet, e fituam ndeshjen, jemi shumë të lumtur.
Rëndësi ka që të kthehemi të gjithë nëpër klube, ndaj Serbisë kemi një ndeshje të madhe, duhet të japim maksimumin për të marrë 3 pikë.
Ndihem më mirë pas sulmuesit, por kur më jepet shansi luaj edhe në krah. Rëndësi ka në Kombëtare, të marrim 3 pikët dhe të vazhdojmë rrugën tonë”, u shpreh Bajrami për DigitAlb.
