41 
Asociacioni i Gazetarëve të Kosovës (AGK) ka njoftuar se kameramani Jetmir Muji është liruar pas disa orësh mbajtjeje në Stacionin Policor Qendër.
Sipas AGK-së, Muji është ndaluar dhe mbajtur pa ndonjë sqarim të qartë, ndërsa lirimi i tij është urdhëruar nga një prokuror pas dhënies së një deklarate.
“Pasi ka dhënë një deklaratë dhe është mbajtur pa ndonjë shpjegim, një prokuror ka urdhëruar lirimin e Mujit”, thuhet në njoftim.
AGK e ka cilësuar arrestimin dhe mbajtjen e tij si të jashtëligjshme dhe arbitrare, duke kërkuar përgjegjësi nga Policia e Kosovës për, siç thuhet, abuzim me detyrën nga ana e pjesëtarëve të saj.
