Kryeshefi i Inspektoratit Policor të Kosovës (IPK), Kushtrim Hodaj, ka pritur sot në takim Joshua Peterson, oficer i sigurisë rajonale në Ambasadën e Shteteve të Bashkuara të Amerikës në Prishtinë.
Sipas një njoftimi të lëshuar nga IPK-ja, gjatë këtij takimi u diskutua për fuqizimin e bashkëpunimit të ndërsjellë dhe vazhdimin e mbështetjes për avancimin e profesionalizmit brenda Inspektoratit Policor të Kosovës.
“Hodaj theksoi se bashkëpunimi dhe përkrahja që IPK-ja ka pranuar ndër vite nga partnerët ndërkombëtarë, e në veçanti nga Shtetet e Bashkuara të Amerikës, kanë sjellë rezultate të prekshme në fushën e mbikëqyrjes policore dhe forcimit të integritetit policor”, thuhet në njoftim.
Po ashtu, kryeshefi Hodaj shprehu falënderim për vizitën dhe për mbështetjen e vazhdueshme që Qeveria amerikane po jep për Inspektoratin Policor të Kosovës.
