Gazetari Berat Buzhala ka folur për vendimin e Shteteve të Bashkuara të Amerikës për pezullimin e Dialogut Strategjik me Kosovën.
Në emisionin “Rubikon” të Klan Kosovës, ai ka pohuar se ka informacione që për këtë ka qenë i njoftuar edhe Bashkimi Evropian.
“Kam informatë për këtë që është hekur, ‘Dialogun Strategjik’, ka qenë i njoftuar edhe Bashkimi Evropian. Kjo që është duke ndodhur nga Shtetet e Bashkuara të Amerikës është në bashkëpunim me Bashkimin Evropian, ky vendim”, ka thënë Buzhala.
Buzhala theksoi: “Informata ime është se përfaqësuesit e Bashkimit Evropian në Shtetet e Bashkuara të Amerikës ne tashmë kemi hequr dorë edhe nga Vjosa Osmani”.
I njëjti ka thënë se vendimin për Dialogun Strategjik nuk e ka marrë Ambasada e Shteteve të Bashkuara të Amerikës në Kosovë.
“Vendimin e sotëm e ka marrë Shtëpia e Bardhë, ku është CIA, Këshilli i Sigurisë Kombëtare dhe stafi i presidentit Donald Trump, atje është marrë vendimi, nuk është marrë vendimi në Prishtinë nga Ambasada e ShBA-së”, tha Buzhala.
