38 
Pasditja e kësaj të diele shtatori është shoqëruar me trafik të rënduar në disa prej akseve kryesore të qarkut të Lezhës, si pasojë e largimit masiv të pushuesve që kaluan fundjavën në bregdetin e Shëngjinit dhe Velipojës.
Fluksi i lartë i automjeteve ka sjellë kaos në qarkullim, duke shkaktuar vonesa të konsiderueshme për drejtuesit e mjeteve. Situata më problematike është regjistruar në aksin Shëngjin–Lezhë, që lidh qytetin bregdetar me superstradën, si dhe në segmentin Balldren–Milot, ku janë krijuar radhë kilometrike automjetesh.
Përballë kësaj situate, Policia Rrugore është dislokuar në disa pika strategjike përgjatë akseve të ngarkuara, me qëllim menaxhimin e trafikut dhe lehtësimin e qarkullimit.
