47 
Një person është arrestuar të dielën nën dyshimin se ka therur me thikë një tjetër në rrugën “Zahir Pajaziti”.
Sipas raportit 24-orësh të Policisë, ngjarja ka ndodhur më 13 shtator rreth orës 18:45 dhe është klasifikuar si “Lëndim i lehtë trupor”, “Sulm” dhe “Armëmbajtje pa leje”.
Viktima, një mashkull kosovar, ka marrë trajtim mjekësor për lëndimet e shkaktuara nga mjeti i prehtë. Policia ka konfiskuar thikën e dyshuar si provë materiale dhe, pas intervistimit, i dyshuari është dërguar në mbajtje me vendim të prokurorit.
Të gjithë personat e përmendur në këtë rast konsiderohen të pafajshëm derisa fajësia e tyre të vërtetohet me vendim të formës së prerë nga gjykata.
