Dëshmia e ish-diplomatit të lartë amerikan, James Rubin, si dëshmitari i parë në mbrojtje të ish-presidentit të Kosovës, Hashim Thaçi, ka përfunduar për ditën e dytë në Gjykatën Speciale në Hagë dhe do të vazhdojë nesër.
Në lidhje me këtë ka folur gazetari Lirim Mehmetaj në Debat Plus, duke theksuar rëndësinë e deklaratave të Rubin.
“James Rubin, po tregon se sipas raporteve dhe institucioneve të tjera amerikane, UÇK-ja kurrë nuk është financuar nga droga dhe paret e krimit. 2011 çohet një shqiptar me emrin Dimal Basha që VV-ja e zgjedh kryeparlamentar në anglisht shkruan se si baronët e drogës e kanë financuar këtë. Dhe James Rubin e konfirmoi që UÇK-ja ka pas udhëheqës, se po kanë qejf këta me bë një manovrim, po do ta sqaroj. Po, UÇK-ja ka pas udhëheqës, por UÇK-ja nuk ka qenë një strukturë e organizuar, shumëvjeçare, me hierarki të qartë vertikale…
E dimë ka qenë një guerile, s’ka qenë një ushtri e organizuar në kuptim të mirëfilltë. Bile për më tepër ka funksionuar politikisht se ushtarakisht. Dhe rezultati i UÇK-së deri konsiston në atë fakt, që ka pas linjë politike funksionale…”, ka thënë Mehmetaj në Debat Plus.
