Sir Elton John ka zbuluar se si e la të habitur mjekun e tij me një kërkesë të çuditshme përpara se t’i nënshtrohej një operacioni.
Muzikanti, 78 vjeç, ka zëvendësuar të dy gjunjët në vitet e fundit, si dhe i është nënshtruar një operacioni në ijën e djathtë pas një rrëzimi, që e detyroi të shtyjë turneun e tij të lamtumirës në vitin 2021.
Duke folur në dokumentarin e tij “Touched By Gold”, ai shpjegoi se si e ktheu kapakun e vjetër të gjurit në një copë bizhuterie me ndihmën e dizajnerit Theo Fennell.
Së bashku me Theon, Elton diskutoi procesin dhe pranoi se varësja duket pak si një “artefakt i lashtë nga Egjipti”.
Ai shpjegoi: “Kur më hoqën kapakët e gjunjëve, fillimisht të majtin e pastaj të djathtin, i kërkova kirurgut tim nëse mund t’i mbaja, gjë që e habiti shumë”.
“Na u desh t’i pjekim për t’i tharë,” shtoi Theo. “Pastaj bëhen si gurë (pumice), janë shumë porozë, kështu që na u desh t’i lyejmë me acetat dhe pastaj t’i lustrojmë”.
Elton vazhdoi: “Kirurgu im më tha që ishin gjunjët më të këqij që kishte operuar ndonjëherë. Ajo vrima ishte në fakt në kapakun e gjurit tim. Duket pak si një artefakt i lashtë nga Egjipti”.
Theo zbuloi se kishte gdhendur fjalët “Nuk do t’i përulem më askujt” në pjesën e pasme, dhe pastaj bëri shaka: “Gjë që natyrisht nuk mund ta bësh kur të mungon një kapak gjuri”.
