91 
Një qytetar nga Komuna e Klinës ka shpëtuar mrekullisht pasi është goditur në kokë nga një plumb qorr, teksa po qëndronte në oborrin e axhës së tij.
Ngjarja ka ndodhur të premten pasdite dhe është konfirmuar nga Policia e Kosovës përmes raportit të saj 24-orësh.
Sipas policisë, viktima është dërguar fillimisht në Qendrën e Mjekësisë Familjare në Klinë, e më pas në Spitalin Rajonal të Pejës, ku po merr trajtim mjekësor dhe ndodhet jashtë rrezikut për jetën.
Rasti është klasifikuar si “Shkaktim i rrezikut të përgjithshëm”, ndërsa njësitet policore janë duke zhvilluar hetimet për të identifikuar personin që ka shkrepur armën, si dhe rrethanat që çuan në këtë incident të rrezikshëm.
