Prishtina ka triumfuar në udhëtim te Malisheva, duke fituar 3-1 me dy gola të shënuar në minutat e fundit, dhe tani kryeson tabelën me dhjetë pikë.
Ka përfunduar xhiroja e pestë në Superligën e Kosovës në futboll.
Gjilani arriti fitore të rëndësishme ndaj Ferizajt, duke triumfuar 0-2 si mysafir. Golat i kanë shënuar Robert Rrahmani dhe Senad Jarovic.
Drita shënoi fitoren e parë në edicionin e ri, duke mposhtur 2-1 Prishtinën e Re.
Llapi dhe Ballkani i kanë ndarë pikët në një barazim 2-2 në Podujevë. Golat për Ballkanin i ka shënuar Valentin Serebe, ndërsa për Llapin kanë realizuar Arbnor Ramadani dhe Hasan Hyseni.
Drenica dhe Dukagjini e kanë mbyllur ndeshjen me rezultat 1-1 në Skenderaj. Drenica ka kaluar në epërsi me golin e Igball Jasharit në minutën e gjashtëdhjetë e gjashtë, por Albion Pllana e ka barazuar për Dukagjinin në minutën e nëntëdhjetë.
Në tabelë Prishtina ndiqet nga Dukagjini, që ka po aq pikë, dhjetë, ndërsa në vendin e fundit gjendet Llapi me vetëm tri pikë.
