Kryetari i komunës së Pejës, Gazmend Muhaxheri, njëherësh kandidat edhe për një mandat në këtë komunë, në “Rubikon” në Klan Kosova tha se do të fitojë në zgjedhjet e 12 tetorit pa balotazh, duke theksuar se Taulant Kelmendi nga LVV dhe Ali Berisha nga AAK garojnë për vendin e dytë.
Sipas tij, Lëvizja Vetëvendosje në Pejë është derivat i Aleancës për Ardhmërinë e Kosovës.
“Krejt garën janë duke e zhvillu qysh me çu kryetarin në balotazh. Me asnjërin nuk do mbes në balotazh, besoj që do fitojë pa balotazh. AAK dhe LVV kanë me bashkëpunu dhe e kanë bashkëpunimin e ngushtë”, tha Muhaxheri.
Sa i përket pjesëmarrjes në debate, Muhaxheri tha se nuk merr pjesë pasi kundër kandidatët nuk kanë çfarë të ofrojnë.
