114 
Një burrë është arrestuar nga Policia në Malishevë, pasi dyshohet se ka kryer veprën penale të dhunimit ndaj një gruaje.
Sipas raportit 24-orësh të Policisë së Kosovës, ngjarja ka ndodhur më 21 shtator 2025, ndërsa arrestimi është bërë pas identifikimit të të dyshuarit.
“Me vendim të prokurorit, i dyshuari është dërguar në mbajtje,” thuhet në raportin zyrtar të Policisë.
Autoritetet nuk kanë bërë të ditur identitetin e të dyshuarit apo viktimës, ndërsa rasti është duke u trajtuar nga organet e drejtësisë.
Hetimet janë në vazhdim dhe pritet që në ditët në vijim të jepen më shumë detaje.
