103 
Në disa prej rrugëve kryesore të Tiranës janë vendosur billborde me mbishkrimin “Liri për Çlirimtarët”, në mbështetje të ish-krerëve të Ushtrisë Çlirimtare të Kosovës.
Në to shfaqen fotografitë e ish-presidentit Hashim Thaçi, ish-kryeparlamentarëve Kadri Veseli e Jakup Krasniqi, si dhe ish-deputetit Rexhep Selimi, të cilët ndodhen në paraburgim në Hagë që nga nëntori i vitit 2020.
Billbordet janë vendosur në pika të ndryshme të kryeqytetit shqiptar dhe kanë tërhequr vëmendjen e qytetarëve, duke sjellë në fokus çështjen e ish-udhëheqësve të UÇK-së që po përballen me drejtësinë ndërkombëtare.
Pamjet e këtyre billbordeve janë publikuar nga Klan Kosova.
