Pasditen e së shtunës u zhvillua ceremonia mortore e vëllait të mitur të këngëtarit dhe fituesit të edicionit të katërt të Big Brother VIP Albania, Gjesti.
Në këtë moment të dhimbshëm morën pjesë një numër i madh qytetarësh, familjarë, miq si dhe figura publike.
Ndër të pranishmit ishte edhe Xheneta Fetahu, i cila erdhi për të shprehur ngushëllimet dhe solidaritetin në këto çaste të rënda për familjen e Gjestit.
Xheneta Fetahu kishte reaguar më herët edhe në rrjete sociale, duke ndarë një mesazh ngushëllimi përmes një Instastory:
“Ngushëllime të sinqerta për Gjestin dhe familjen e tij. Zoti u dhëntë forcë dhe durim në këto kohë të rënda, ndërsa shpirti i tij pushoftë në paqe dhe dritë të përjetshme. Kujtimi i tij i mirë do të mbetet gjithmonë në zemrat tuaja,” ka shkruar ajo.
