Ministri në detyrë i Mbrojtjes, Ejup Maqedonci, ka pritur në një takim lamtumirës komandantin e KFOR-it, gjeneralmajor Enrico Barduani, me rastin e përfundimit të mandatit të tij njëvjeçar në Kosovë.
Gjatë takimit, ministri Maqedonci shprehu mirënjohjen e tij për kontributin e gjeneralmajor Barduanit në drejtimin e forcave paqeruajtëse dhe theksoi rëndësinë e rolit të tij në ruajtjen e paqes dhe sigurisë në vend.
“Profesionalizmi dhe përkushtimi i gjeneralmajor Barduanit kanë qenë vendimtare për misionin e KFOR-it në Kosovë. Ministria e Mbrojtjes dhe Forcat e Sigurisë së Kosovës i janë mirënjohëse për bashkëpunimin e ngushtë gjatë mandatit të tij,” u shpreh Maqedonci në një mesazh publik.
Takimi u zhvillua në kuadër të aktiviteteve lamtumirëse që shënojnë mbylljen e mandatit të Barduanit si komandant i KFOR-it në Kosovë.
