Trajneri i Chelsea, Enzo Maresca, ka paralajmëruar se ndeshja e fundjavës në Premier League ndaj Liverpool nuk do të jetë e lehtë, pavarësisht dy humbjeve radhazi të skuadrës së Arne Slot ndaj Crystal Palace dhe Galatasaray.
“Gjithmonë është një ndeshje e vështirë, gjithmonë një skuadër e madhe. Sipas meje, mënyra se si po e bëjnë këtë sezon është fantastike, veçanërisht pas tragjedisë së Diogo Jota”, ka thënë Maresca.
Sulmuesi i Liverpool, Diogo Jota, humbi jetën në një aksident rrugor në Spanjë në korrik, një humbje e madhe për klubin dhe lojtarët.
“Nuk është e lehtë për lojtarët, për klubin apo për trajnerin kur shkon në stërvitje dhe e sheh vendin bosh çdo ditë. Duhet të jesh shumë i fortë, dhe kjo është arsyeja pse, për mua, ata po performojnë më mirë se mirë, madje më shumë se mirë”, ka shtuar tekniku italian
