Cristiano Ronaldo ka thyer një tjetër rekord mbresëlënës, këtë herë jashtë fushës së futbollit.
Ylli portugez është zyrtarisht futbollisti i parë në histori që ka grumbulluar mbi një miliard euro pasuri personale.
Sipas raportit më të fundit të kompanisë financiare amerikane “Bloomberg”, Ronaldo ka arritur një pasuri prej rreth 1.2 miliardë eurosh, duke u renditur si lojtari më i pasur në botën e futbollit.
Kjo pasuri e jashtëzakonshme përfshin jo vetëm pagën e tij aktuale te Al Nassr në Arabinë Saudite, por edhe fitimet nga kontratat e shumta reklamuese, investimet personale dhe markën e tij të njohur “CR7”.
Me këtë arritje, Ronaldo vulos edhe njëherë statusin e tij si një ndër sportistët më të suksesshëm dhe më të paguar të të gjitha kohërave.
