Kandidati i LDK-së për kryetar të Prizrenit, Driton Selmanaj sonte në emisionin “Rubikon” në Klan Kosova foli për projektet që synon t’i realizojë në këtë komunë.
Ai u shpreh se synimi është që shumë prej projekteve të mëdha të jenë me partneritet publiko-privat.
“Asnjë kontratë të vetme Prizreni, përkundër që kemi ligj tash e 17 vjet për parteritet publiko-privat, Prizreni asnjë kontratë të vetme nuk e ka”.
“Ne po synojmë që shumë nga projektet e mëdha e mëdha të jenë me partneritet publiko-privat. Qendra e re sportive, pesë parkingjet nëntokësore që do t’i ndërtojmë në Prizren po mendojmë që t’i bëjmë me partneritet publiko-privat shumicën prej tyre”, u shpreh tutje Selmanaj./Klankosova.tv
