Kryetari aktual i Komunës së Lipjanit, Imri Ahmeti, ka shkuar sot për të kryer obligimin e tij qytetar me rastin e zgjedhjeve lokale. Megjithatë, pas 25 vitesh votim në të njëjtin vend, ai është përballur me një situatë të pazakontë.
Sipas raportimeve të Klan Kosovës, emri i kryetarit Ahmeti dhe i bashkëshortes së tij nuk është gjetur në listën e votuesve në shkollën fillore “7 Marsi” në Poturovc, vendvotimi ku ata kanë votuar tradicionalisht që nga paslufta.
Ndërkohë, pjesa tjetër e familjes së Ahmetit ka votuar pa pengesa në të njëjtin vendvotim, ndërsa vetëm kryetarit dhe bashkëshortes së tij u është ndryshuar vendvotimi nga Komisioni Qendror i Zgjedhjeve (KQZ).
“Është rasti i parë, që 25 vjet votoj këtu,” u shpreh Ahmeti për mediat, duke theksuar befasi për ndryshimin e vendvotimit pas kaq shumë vitesh
