Disa pamje që janë publikuar në internet thuhet se tregojnë palestinezët duke u ekzekutuar nga Hamasi, duke shkaktuar frikë se marrëveshja e paqes në Gaza është tashmë në rrezik, ndërsa grupi përpiqet të qëndrojë në pushtet.
Në pamjet shqetësuese që qarkullojnë në mediat sociale, një grup burrash mund të shihen të gjunjëzuar në tokë me duart pas shpine.
Militantët e armatosur – disa prej të cilëve mbajnë shirita koke në stilin e Hamasit – qëndrojnë pas viktimave me fytyrat e mbuluara përpara se të dëgjohen të shtëna dhe shtatë burrat e gjunjëzuar të bien në tokë, me sa duket të pajetë, shkruan Daily Mail, përcjell Telegrafi.
Turmat bërtasin ‘Allahu Ekber’, ose Zoti është i Madh, dhe i quajnë burrat e ekzekutuar ‘bashkëpunëtorë’ ndërsa filmojnë skenat e tmerrshme në telefonat e tyre celularë
Videoja – që mendohet se është kapur në Gaza të hënën – ka ngjallur shqetësim midis vëzhguesve, duke ardhur vetëm disa ditë pasi hyri në fuqi një marrëveshje paqeje e ndërmjetësuar nga Trump që synonte t’i jepte fund dhunës më shumë se dy vjeçare.
Ajo u shfaq gjithashtu mes raportimeve se Hamasi ka thirrur rreth 7,000 anëtarë të forcave të saj të sigurisë për të rivendosur kontrollin mbi zonat e Gazës të liruara së fundmi nga trupat izraelite.
Analistët janë po aq të shqetësuar se marrëveshja e paqes e Trump mund të vihet në rrezik nga dështimi i Hamasit për të kthyer trupat e të gjithë 28 pengjeve izraelite që vdiqën në robëri.
