Në Deçan janë procesuar 96,00% e votave për asamble komunale, gjegjësisht nga 50 vendvotimet atje.
Në faqen zyrtare të Komisionit Qendror Zgjedhor po vazhdon të bëhet publikimi i votave për Kuvendin Komunal të këtij qyteti, njofton Klankosova.tv.
Sipas të dhënave të fundit, Hajdar Sutaj nga AAK që është bartës i listës ka marrë 7 mijë e 140 vota, pasuar nga Hyri Dobrunaj i LDK-së me 3 mijë e 619 vota, njofton Klankosova.tv.
Shkumbin Demaliaj me Iniciativën “Demokracia” siguroi 1532, Faton Selmanaj nga Lëvizja Vetëvendosje 694, Natyra Kuçi me PSD-në, 592 vota, Jetmir Prekalla nga PDK 161 vota.
95 vota mori Guxo me Rabije Haklajn, ndërsa 16 Nimsa me Klisara Berishën.
Detajet me rezultatet atje i gjeni këtu.
Në garën tjetër, atë për kryetar të komunës, Bashkim Ramosaj ka marrë 51.57 për qind të votave, duke siguruar edhe një mandat për ta udhëhequr qytetin e Deçanit.
Sipas rezultateve preliminare, i dyti pas tij, erdhi Jeton Mushkolaj i LDK-së me 21.12 %.
