Policia e Gjakovës, në bashkëpunim me njësitë tjera relevante, ka realizuar një bastisje në bazë të urdhëresës së Gjykatës Themelore në Gjakovë, që ka rezultuar me sekuestrimin e substancave narkotike dhe armëve të paligjshme.
Sipas njoftimit zyrtar, bastisja është kryer nga Njësia e Hetimeve për Trafikim me Narkotikë, me asistencën e njësive tjera të Policisë së Gjakovës. Gjatë kontrollit janë gjetur dhe sekuestruar:
5.71 gramë substancë që dyshohet të jetë kokainë
Një pushkë ajrore
23 fishekë të një revolveri
Dy (2) peshore
Dëshmi të tjera relevante për rastin
Për rastin është njoftuar Prokurori i Shtetit pranë Prokurorisë Themelore në Gjakovë. Dy personat e dyshuar janë ndaluar me vendim të prokurorit për një afat prej 48 orësh dhe ndaj tyre është iniciuar procedurë penale për veprën:
“Blerje, shitje ose posedim i paautorizuar i substancave narkotike”.
