Komanda e Doktrinës dhe Stërvitjes (KDS) në Ferizaj ishte këtë javë qendra e transformimit ushtarak. Ministri në detyrë i Mbrojtjes, Ejup Maqedonci, njoftoi përfundimin e suksesshëm të dy kurseve thelbësore, të organizuara nga ekipet e Ushtrisë së SHBA-ve (SATMO).
Kursi i parë, “Kursi për Staf të Betejës”, trajnoi Nënoficerët e Stafit të FSK-së për Procesin e Vendimmarrjes Ushtarake (PVMU), duke rritur aftësinë e tyre për të udhëhequr operacionet në nivel batalioni dhe brigade.
Në të njëjtën kohë, “Kursi për Rreshter të Drillit” përgatiti instruktorë efektivë, të cilët do të jenë përgjegjës për kthimin e rekrutëve të rinj në ushtarë të disiplinuar, fizikisht të përgatitur dhe të aftë taktikisht.
Përmbyllja e këtyre trajnimeve dëshmon thellimin e partneritetit me SHBA-në dhe shënon një hap kyç në ndërtimin e një FSK-je moderne dhe profesionale.
