Inter ka triumfuar me rezultat minimal 1-0 ndaj Romës në ndeshjen e zhvilluar në “Stadio Olimpico”, duke u ngjitur në krye të renditjes së Serie A së bashku me Napolin dhe Romën, të gjitha me nga 15 pikë.
Heroi i zikaltërve ishte Ange Yoan-Bonny, i cili shfrytëzoi në mënyrë perfekte një kurth jashtë loje të gabuar nga mbrojtja verdhekuqe dhe realizoi golin vendimtar në minutën e gjashtë të takimit. Inter më pas administroi rezultatin me maturi dhe pati edhe raste për ta mbyllur ndeshjen, përfshirë një goditje të Henrikh Mkhitaryan që u ndal në shtyllë në pesë minutat e fundit.
Skuadra e Cristian Chivut regjistroi kështu fitoren e gjashtë radhazi në të gjitha kompeticionet, duke konfirmuar formën e shkëlqyer dhe ambicien për të rikthyer Scudetton që e humbi sezonin e kaluar ndaj Napolit.
Në javën e ardhshme, Inter do të përballet me Union Saint-Gilloise në Ligën e Kampionëve përpara se të udhëtojë drejt Napolit, që aktualisht përballet me një krizë dëmtimesh dhe humbi ndaj Juventusit falë golit të ish-lojtarit të tyre, Giovanni Simeone.
